CAR Surf, jendeari irekitako errendimendu handiko Europako lehen zentroa surflarientzat, Cabedeloko hondartzan dago, Viana do Castelon. Eremuak 30 pertsonarentzako tokia du, eta hiru prestakuntza areto, hiru administrazio areto, bilera gela, gimnasioa, jantokia, sukaldea, sauna, masaje gela eta postu medikoa. Telefono sarea, wifia eta kable bidezko telebista ditu instalatuta.
CAR Surf zentroak etengabeko jarduera du: ikasleak (urtean 1.500), udalerriko ikastetxeak eta Erasmus programa, atzerriko selekzioak trebatzeko programak, eta abar. Urtean 2.000 surf turista inguru hartzen ditu. Zentroaren kudeaketan, kudeatzaile bat, koordinatzaile tekniko bat, hamar entrenatzaile akreditatu, mediku bat, fisioterapeuta bat eta praktiketan dauden Kirol eta Aisialdiko Goi Eskolako bi ikasle aritzen dira. Komunikazio eta irudiko bulego bat ere badu. Gainera, Portugalgo klub enblematikoenetako batek, Vianako surf klubak, CAR Surf zentroan du egoitza.
I+G proiektuak (SUP Caramuru 1.1, Cork Boards)
Arrantza eta Itsas Prestakuntzako Zentroak (For-Mar), Kiroleko eta Aisialdiko Goi Eskolak, eta Viana do Casteloko Teknologia eta Kudeaketako Goi Eskolak surfeko proiektuetan esku hartzen dute: entrenatzeko metodologia berrien diseinua, kirolarien jarraipena eta monitorizazioa, ohol prototipoen garapena eta material berrien erabilera (adibidez, kortxoa), etorkizunean merkaturatzeko asmoz eta, ondorioz, enpresak dinamizatu eta lanpostuak sortu daitezen.