SURF CITY DEFINIZIOA
Surf City batean, hiriaren oinarri ekonomiko, sozial eta kulturalaren alderdi nabarmenak dira surfa, surfaren kultura eta surfaren sektorearen inguruko industrietako enpleguak, eta hiriko gobernuak formalki aintzat hartutako surf industria bat dago.
Prof. Ian Eddie and Jack Carroll (Gold Coast, Australia)
WORLD SURF CITIES NETWORK-ARI BURUZ
Surf City batean, elementu hauek hartu behar dira kontuan: kokapena, baliabide naturalak eta biztanle kopurua, industria (surf oholen diseinua eta fabrikazioa, ehungintza, osagarriak eta ekipamenduak, eta xehekako industria), zerbitzuak (surf turismoa, surf eskolak, surf lehiaketak eta ekitaldiak, surfaren inguruko hezkuntza eta prestakuntza, surfaren hedabideak, surfarekin erlazionatutako higiezin merkatua, eta abar), surfaren kultura (surflarien eta surf elkarte eta federazioen kopurua, surfaren kultura, hiriko surfaren historia eta ikonoak), eta hiriko gobernuak aintzat har dezala surf industriaren garrantzia eta berau susta dezala.
ZERGATIK SURF HIRIEN MUNDUKO SARE BAT
WSCNren helburua da tokiko jarduera ekonomikoa sustatzea (tokiko industria, turismoa eta enplegua), surfaren bitartez, surf hirien artean ideiak eta ezagutzak trukatuz eta proiektuetan elkarrekin lan eginez. Viana do Castelo, Portugal, Europa (Lehendakaritza) eta Arica (Chile) Hego Amerikan hiriek dihardute sarearen buruan, eskarmentu zabala dutelarik berrikuntzaren kudeaketan eta nazioarteko lankidetzan. Europa, Amerika, Afrika eta Australiako hamabost surf city-k osatzen dute sarea. Guztiek ere interes bera dute: tokian-tokian surfaren bitartez lehiakortasuna hobetzea.
HELBURUAK
Tokiko jarduera ekonomikoa sustatzea (tokiko industria, turismoa eta enplegua), surfaren bitartez, hirien artean ideiak eta ezagutzak trukatuz eta proiektuetan elkarrekin lan eginez. Tokiko garapena sustatzea, surfaren bitartez: hiri ekonomikoki garatuak baina jasangarriak izatea; prozesuetan, zerbitzuetan eta kudeaketan berritzaileak diren enpresak edukitzea surfaren sektorean; surfaren bidez turismoa erakartzea eta tokian toki aberastasuna sortzea; surfeko sektore prestatua eta profesionala finkatzea; tokiko surf enpresak nazioartekotzea; surfa erabiltzea gizarteratzeko eredu gisa, eta abar.
HIRI SAREAREN EGITURA ETA FUNTZIONAMENDUA
Hirien garapen ekonomikorako surfa eta antzeko industriak sustatzeak eta munduko beste hiri batzuk helburu berarekin identifikatzeak Munduko Surf Hirien Sarea sortzea ekarri zuten.
2023-2024 Zuzendaritza Batzordea, "WSCN Lehendakaritza", Viana do Castelo eta Aricako surf city-ek osatzen dute, eta hiri bakoitzerako foku-puntu bat sortzea erabaki zuten, hiriak sare globalean integratzeko eta prozesuak arintzeko ardurarekin. Puntu fokala hirien arteko harreman zuzena da Lehendakaritzaren eta Idazkaritza Teknikoaren informazioa/komunikazioak jasotzean, eta tokiko aktoreekin harremanak izateko eta sareak eskatutako lanak egiteko ardura du.
Sareko hiri guztiak zuzendaritza batzordeko kideak dira. Sareko hiriek urteko bilera egiten dute urteko emaitzak aurkezteko eta hiri kide berriak eta hurrengo urterako jarduera-plana onartzeko. WSCNren azken bilera 2022ko abenduan egin zen, Salinas eta Montañita (Ekuador).